طالبان مانع ورود کارمندان بدون ریش به ادارات شدند
- مجموعه: اخبار بین الملل
- تاریخ انتشار : سه شنبه, 09 فروردين 1401 11:29
طالبان به تمام کارمندان ادارات دولتی دستور داده اند که ریش بگذارند و کلاه بپوشند. برخی از شاهدان می‌گویند که طالبان شماری از کارمندان دولتی را به دلیل نداشتن کلاه و کوتاه بودن ریش اجازه ورود به ادارات دولتی نداده اند.
به گزارش اصلاحات‌نیوز؛ با گذشت هر روز محدودیت‌های طالبان بر مردم در افغانستان بیشتر می‌شود. این محدودیت‌ها بیشتر از سوی وزارت امر به معروف و نهی از منکر طالبان عملی می‌گردد.
منابع در کابل گفته اند که مسئولین امر به معروف طالبان روز دوشنبه کارمندانی را که ریش شان را تراشیده بودند، پیرهن و تنبان به تن نداشتند و یا کلاه و لنگی نپوشیده بودند، نگذاشتند وارد ادارات دولتی شوند.
یک تن از کارمندان ادارات دولتی که نخواست نامش گرفته شود، به دویچه وله گفت که طالبان امروز دوشنبه شماری از کارمندان اداره امور و وزارت امور خارجه را به دلیل نداشتن کلاه، لنگی و ریش کوتاه اجازه ورود به دفاتر شان ندادند.
